ചലച്ചിത്ര നടി KPAC ലളിത അന്തരിച്ചു

മലയാള ചലച്ചിത്ര ലോകത്തിനു ഒരു തീരാനഷ്ടം കൂടി. നടി KPAC ലളിത (74) അന്തരിച്ചു. കൊച്ചിയിലെ വസതിയിലായിരുന്നു അന്ത്യം.രോഗ ബാധിതയായി ചികിത്സയിലായിരുന്നു. മലയാളത്തിലും തമിഴിലുമായി അഞ്ഞൂറോളം സിനിമകളിൽ അഭിനയിച്ചു.

KPAC യുടെ നാടകങ്ങളിലൂടെയാണ് അഭിനയ രംഗത്തെത്തിയത്. രണ്ട് തവണ മികച്ച സഹനടിക്കുള്ള ദേശിയ അവാർഡ് നേടിയിട്ടുണ്ട്. കെ എസ് സേതുമാധവന്റെ 'കൂട്ടുകുടുംബം' ആണ് ആദ്യ സിനിമ. അന്തരിച്ച പ്രമുഖ ചലച്ചിത്ര സംവിധായകൻ ഭരതന്റെ ഭാര്യയാണ്. സംവിധായകനും നടനുമായ സിദ്ധാർഥ് ഭരതൻ മകനാണ്.

നാളെ തൃപ്പൂണിത്തുറയിൽ മൃതദേഹം പൊതുദർശനത്തിന് വെക്കും ശേഷം വടക്കഞ്ചേരിയിൽ വീട്ടുവളപ്പിൽ സംസ്കരിക്കും.