വാർദ്ധക്യത്തിൻ്റെ അവശതകൾ മറന്ന് അവർ ഒത്തുകൂടി

വാർദ്ധക്യത്തിൻ്റെ അവശതകൾ മറന്ന് അവർ ഒത്തുകൂടി എലിക്കുളം ഗ്രാമപഞ്ചായത്തിലെ രണ്ടാം വാർഡിൻ്റെ വയോജന ഗ്രാമസഭയാണ് വ്യത്യസ്തമാർന്ന കൂട്ടായ്മ ആയി മാറിയത്.

വട്ടന്താനം അംഗനവാടിയിലാണ് അറുപതു വയസ്സു മുതൽ എൺപതു വയസ്സുവരെയുള്ളവരുടെ കൂട്ടായ്മ നടന്നത് സ്ത്രീകളും, പുരുഷന്മാരുമടക്കം അൻപതോളം പേർ കൂട്ടായ്മയിൽ പങ്കുകൊണ്ടു. ചിലർ പരസ്പരം അറിയാവുന്നവർ മറ്റു ചിലർ യാതൊരു പരിചയവുമില്ലാത്തവർ ആദ്യമവർ പരസ്പരം പരിചയപ്പെട്ടു ചിലർ പാട്ടു പാടി മറ്റു ചിലർ അത് ഏറ്റു പാടി പ്രായത്തിന്റെ അവശതകളെല്ലാം മറന്നു. ചിലർ തങ്ങളുടെ വാർദ്ധക്യസഹജമായ അസുഖത്തിൻ്റെ ആകുലത പ്രകടിപ്പിച്ചു. അടുത്ത കൂട്ടായ്മയിൽ എല്ലാവർക്കും സൗജന്യമായ ചെക്കപ്പെന്ന് വാർഡംഗമായ മാത്യൂസ് പെരുമനങ്ങാടിൻ്റെ ഉറപ്പ്. അടുത്ത കൂടിക്കാഴ്ചയ്ക്കായി വയോജനസഭയ്ക്ക് വേണ്ടി കാത്തു നിന്നില്ല. മാസത്തിൽ ഒരിക്കൽ കൂടുവാനായി ഒരു വയോജന ക്ലബ്ബും രൂപീകരിച്ചു

Pala LIVE.in